Leikurinn við Þristinn er í kvöld klukkan 21.00 á Fellavelli. Þetta er þó okkar heimaleikur en við neyddumst til að færa hann á Fellavöll vegna vallaraðstæðna á Seyðisfirði.

Þetta verður líklega síðasta færslan á þessari síðu, þar sem við erum að færa okkur yfir á þessa síðu:

06april.com

Hvet menn til að kíkja á hana. Tek ég þó fram að hún er enn í vinnslu, enda nokkuð hrá!

Leik 06.Apríl og Þristar hefur verið frestað. Völlurinn á Seyðisfirði er ennþá blautur en þó er þurrt og hlýtt svo vonast er til að leikurinn geti farið fram á morgun!

Næsti leikur er útileikur gegn Spyrni á Fellavelli kl.21.00. Mæting þangað kl.20.00.

Sunnudaginn síðasta var stórleikur á Seyðisfjarðarvelli. Þar mættust stálin stinn, 06 Apríl og Hrafnkell Freysgoði. Þetta var fyrsti heimaleikur sjötta í sumar og því var beðið eftir þessum leik með mikilli eftirvæntingu. Sjötta menn mættu flestir óvenju snemma niður í búningsklefa þar sem tekin var smá upphitun í formi youtube sýningar þar sem skoðuð voru ýmist þekkt tilþrif úr fótboltaheiminum í þeirri von að þau myndu sjást á knattspyrnuvellinum síðar um daginn. Það reyndist ekki raunin en þrátt fyrir það byrjuðu sjötta menn að miklum krafti og uppskáru fljótlega mark. Það gerði Sveinbjörn Jónasson og fljótlega eftir það lét Heimir Arnfinnsson högg fylgja kviði og bætti við tveimur mörkum. Annað þeirra kom eftir skalla eftir sendingu frá stoðsendingartröllinu, honum Magnúsi Heiðdal en hitt kom úr vítaspyrnu. Hrafnkell náði að minnka muninn fyrir hálfleik og stóðu þá leikar 3-1 fyrir sjötta. Í seinni hálfleik hélt flugeldasýningin áfram og settu sjötta menn þrjú mörk til viðbótar og voru þar að verki Sveinbjörn Jónasson með tvö mörk og Heimir Arnfinnsson með eitt. Þannig lauk þessum leik og situr 06 apríl í öðru sæti deildarinnar með jafnmörg stig og Spyrnir en með slakari markatölu.

Þessi grein var skrifuð eftir Ölvunar-Böðvar og því er ekki hægt að fullyrða að atburðarás þessi hafi gengið svona fyrir sig.

Næsti leikur er á Seyðisfirði á morgun kl.18.00. Hrafnkell Freysgoði kemur þá í heimsókn.
Mæting leikmanna er kl.16:30 í íþróttahúsið.

UMFB 2 - 2 06.Apríl

Fyrsti leikur 06.Apríl endaði með 2-2 jafntefli á Borgarfirði í gærkvöldi.
Mörk 06.Apríl skoruðu Gummi úr víti og skoraði þar með 100.mark 06.Apríl og Ívar Pétur jafnaði undir lok leiksins.

Liðið leit svona út:
Böddi í marki.
Agnar, Ómar, Sindri og Ívar í vörn
Heiðar var djúpur á miðjunni með Gumma, Bjössa og Hjalta fyrir framan sig.
Teddi var framliggjandi miðjumaður.
Heimir var framherji.
Á bekk voru: Gauti, Hjalti Þorkels, Hákon, Eiríkur, Þorri og Alexander.

Leikurinn einkenndist töluvert af því að vera 1.leikur beggja liða síðan síðasta sumar, en þá duttu einmitt liðin út í undanúrslitum (UMFB fyrir BN og 06.Apríl gegn Spyrni).
Síðasti leikuri liðanna var lokaleikur liðanna 2008 og lauk honum með jafntefli á Seyðisfirði, sem tryggði Borgfirðingum titilinn það sumar.

Sjötti hóf leikinn í nýrri uppstillingu og tók það smá tíma fyrir menn að venjast henni. Borgfirðingar voru öflugir í sóknarleik sínum í fyrri hálfleik og átti Baldur Smári sláarskot auk þess sem hann skaut fram hjá í góðu færi gegn Böðvari. Hann lagði þó upp fyrsta mark keppninnar þetta sumarið sem Olgeir skoraði af stuttu færi. Ekkert sem Böðvar gat gert í því.
Heimir átti skot sem fór rétt yfir markið og litlu mátti muna að hann fengi að skalla boltann í mark heimamanna en markvörður þeirra náði að grípa boltann áður en Heimir náði að boltanum.
Staðan var 1-0 í hálfleik. Í síðari hálfleik var ákveðið að skipta í 4-5-1 sem er leikkerfi sem liðið hefur spilað undanfarin sumur. 06 fékk víti þegar varnarmaður UMFB fékk boltann í höndina. Gummi skoraði úr vítaspyrnunni. Til tíðinda dró þegar leikmaður UMFB gaf fyrirgjöf frá hægri kanti, Böðvar blindaðist örlítið af sólinni og boltinn fór efst í markhornið fjær. Ekkert sem Böðvar gat gert, en ólíklega það sem leikmaðurinn ætlaði að gera.
Í lok leiksins gerðist svo umdeilt atvik. Eftir nokkra sóknarlotu 06.Apríl manna settu Heimir og Ívar pressu á markmann og varnarmann UMFB sem endaði með því að markmaðurinn sparkar fram, Ívar stekkur á móti honum og fær boltann í sig. Boltinn rúllaði svo í markið án þess að nokkur kæmi við hann, en heimamenn vildu fá dæmda hendi á Ívar. Dómarinn ráðfærði sig við línuvörðinn og dæmdi mark, staðan orðin 2-2. Þannig lauk fyrsta leik 06.Apríl árið 2010.
Nokkrir leikmenn spiluðu sinn fyrsta leik fyrir félagið, eða 5. Allir eru þeir búsettir á Reyðarfirði og skilst mér að þeim hafi litist ágætlega á klúbbinn.

Næsti leikur er gegn Hrafnkeli Freysgoða á Seyðisfirði næsta sunnudag.

Sælir.
UMFB stungu upp á því að spila kl.16.30 og horfa svo með þeim á Þýskaland-Ástralíu í Fjarðaborg, fá okkur að borða og svona með leiknum.. Hvað segja menn við þessu?
Ef menn eru ekki til í þetta þarf ég að vita það sem fyrst svo ég geti talað við UMFB!

Sælir.
Nú er leikjaniðurröðun komin á hreint og lítur þetta svona út fyrir okkur:

1. umferð sunnudagur 13. júní 18:00

UMFB-06. apríl

2. umferð sunnudagur 20. júní 18:00

06. apríl - Hrafnkell Freysgoði

3. umferð sunnudagur 27. júní 18:00

Spyrnir - 06. apríl

4. umferð sunnudagur 4. júlí 18:00

06. april - Þristur

5. umferð sunnudagur 11. júlí 18:00

SE-06. apríl

6. umferð sunnudagur 18. júlí 18:00

06. apríl situr hjá

7 umferð sunnudagur 25. júlí 18:00

06. apríl - BN

Nú, við fáum BN, Hrafnkel og Þrist í heimsókn í sumar en mætum UMFB, Spyrni og SE á útivelli.
Fyrsti leikur er stórleikur gegn UMFB á Borgarfirði næstkomandi sunnudag.

Nú er komið í ljós að skráningarfrestur í Launaflsbikarinn 2010 rennur út þann 8.júní og stefnt er á að mótið hefjist helgina 11-13.júní.
Skráningargjald er 25.000 á lið og ætlumst við til að þeir sem vilji vera með greiði 3.000 kall inn á reikninginn:

0176-05-061486 Kt: 060786-2599
sem allra fyrst!

Æfingar eru byrjaðar og vonumst við eftir því að fjöldi leikmanna per æfingu aukist eftir því sem nær dregur móti.

Hverjir ætla að vera með?

Sælir.

Vildi bara koma 06.Apríl deildinni á framfæri.

http://fantasy.premierleague.com

Deildin heitir einfaldlega 06.Apríl og lykilorðið til að komast í hana er:

865322-388416

Mæli með að menn búi sér til lið, stigatalning í þessa deild hefst í næstu umferð!

Eins fáránlegt og það hljómar eru búningarnir komnir, eftir langa bið...
Hægt er að nálgast búningana á heimili mínu á Seyðisfirði, að Múlavegi 59. Þar sem ég er löngu kominn til Reykjavíkur mun faðir minn afhenda búningana en til að fá þá þarf viðkomandi að koma með pening til að borga búning sinn og afhenda föður mínum þá. Verðið er ekki komið á hreint en það kemur í ljós í dag.

Lokahófið fór fram á föstudaginn og var algjör SNILLD! Bolti og bjór - sund í sundbolum, bikiníum og þröngum speedo - grill, tan, über-tan(sósuliturinn), meiri bjór, kosningar og viðurkenningar - rútuferð og ball! Allt snilld!

Hvet menn til að gera upp sína skuld við Hjalta Þorkels tímanlega!

Annars skiptust titlarnir svona (um suma var kosið, aðrir voru útnefndir):

Markvörður ársins : Sigurður Ívar
Varnarmaður ársins : Hjalti Þorkels
Miðjumaður ársins : Guðmundur J
Sóknarmaður ársins : Heimir Arnfinns
Leikmaður ársins : Hjalti Þorkels
Unglamb ársins : Stefán Jóhanns
Elíta ársins : Hjalti Þorkels og Öddi Kjartans
Dólgur ársins : Elmar Bragi
Sturtufélagi ársins : Theodór
Mark ársins : Hjalti Jón gegn BN (fyrra markið auðvitað)
Fagn ársins : Böðvar Péturs fyrir "flóttann" þegar hann tók 100 metrana á 9,57 sek af ótta við samherja sína. Já, Bolt var lengur en Böddi.
Kom-mest-á-óvart ársins : Hjalti Jón

Þá er að koma að lokahófinu. Ákveðið hefur verið að hafa Hnakkaþema á lokahófinu. Þá erum við að tala um brúnkukrem, fráhnepptar skyrtur og fleira.

Stefnan er að byrja á smá bolta+bjór á sparkvellinum á Seyðisfirði. Skipt verður í 4-5 manna lið og spilað. Mæting þangað er kl.18.00.

Þegar við erum búnir að fá okkur fullsadda af fótbolta förum við allir í sund, Sjötti splæsir á kappalingana. ATH: dresscode í sund er annaðhvort Speedo, sundbolur eða bikini.

Eftir sundferðina er haldið í grill og afhendingar viðurkenninga í Draumhúsi (við hliðina á Lárunni við Norðurgötu). Þar býður Sjötti mönnum upp á pylsur en mönnum er einnig frjálst að koma með annan grillmat ef þeir vilja. Það verður semsagt "opið grill". Mönnum er bent á að koma með drykki sjálfir, hvort sem það er óáfengt eða áfengt. Hótel Aldan hefur þó ákveðið að splæsa smá bjór á okkur en það verður auðvitað takmarkað.

Að allra síðustu er svo búið að redda rútu upp á Egilsstaði fyrir þá sem vilja á ballið þar. Það kostar 1200 krónur á mann í rútuna fram og til baka og fer rútan upp á Egilsstaði kl.23.30 og til baka einhvern tímann að loknu ballinu.

Gróf áætlun lítur þá svona út:
18.00 - Fótbolti á sparkvelli
20.00 - Sund
21.00 - Grill - Verðlaun/Viðurkenningar
23.30 - Rútuferð uppeftir (1.200 kr.)
03.30 - Rútuferð til baka

06.Apríl þurfti að lúta í gras í undanúrslitum á sunnudaginn. Leiknum við Spyrni lauk með 3-1 sigri heimamanna í Spyrni. Leikmannahópur Sjötta leit svona út:
Mark: Óli Gústa
H.bak: Agnar Logi
V.bak: Öddi Kjartans
Miðverðir: Hjalti Þ og Kristján
H.kant: Maggi
V.kant: Baldur
Miðja: Gummi, Ómar og Hjörtur
Framherji: Teddi
Á bekk voru Gauti, Gunnar Már, Stefán, Heimir, Bjarni Rafn, Símon, Bessi og Höddi Magg.

Leikurinn byrjaði á miklu tempói og 06 byrjaði betur og Baldur kom okkur yfir áður en 10 mínútur voru liðnar. Einbeitingin var þó greinilega ekki til staðar því Spyrnismenn jöfnuðu strax þegar framherji þeirra komst einn í gegn. Háværar raddir um rangstöðu heyrðust úr grasbrekkunni, en markið stóð. Fyrri hálfleikurinn var ágætur af okkar hálfu og var staðan 1-1 í hálfleik. Í síðari hálfleik byrjaði leikurinn að snúast og Spyrnismenn urðu sterkari. Þeir uppskáru sitt annað mark eftir klaufamistök hjá okkur og Símon náði ekki til boltans á undan framherja Spyrnis. 2-1. Þetta háa tempó sem leikurinn hófst á hafði líklega sitt að segja því menn virtust þreyttir þrátt fyrir fjöldann allan af skiptimönnum. Spyrnismenn skoruðu svo sitt þriðja mark. Þeir fengu aukaspyrnu sem var skotið að marki, hafði viðkomu í varnarmanni og sveif undir slánna. Fátt markvert gerðist eftir þetta en Kristján var nálægt því að minnka muninn undir blálok leiksins þegar hann átti hörkuskot sem var glæsilega varið af markmanni heimamanna.

Þá höfum við lokið keppni þetta sumarið, en lokahóf 06 verður á föstudaginn 14.ágúst! Ég vil biðja menn um að melda sig í síma 848-5671, hérna eða með öðrum hætti.

Leikurinn í undanúrslitum gegn Spyrni er á Fellavelli á sunndaginn klukkan 18.00!
Mæting er u.þ.b. klukkustund fyrir leik, eða um kl.17.00!